Erroipe interpretazio zentroa ireki dute Ataungo Aian
Auzoaren eta baserrien historia, toponimoak, lanbideak, ohiturak, elikadura, fauna eta flora, pertsonaiak eta ibilbideak bildu dituzte.
Ataun Aiako Erroipe interpretazio zentroaren irekiera, gaur. // Argazkia: Ataungo Udala Aia auzoari buruzko informazioa emango duen Erroipe interpretazio zentroa zabalduko dute gaur eguerdian. Auzoaren eta baserrien historia, toponimoak, lanbideak, ohiturak, elikadura, fauna eta flora, pertsonaiak eta ibilbideak bildu dituzte.
Gaurko ekitaldia auzotarrentzat izan da, eta bihartik aurrera edozeinek edukiko du bisitatzeko aukera.
Erroipe interpretazio zentroa ostegun, ostiral eta larunbatetan irekiko dute, 10:00etatik 14:00etara, eta eskaripean, noiznhai. Kontaktuak: erroipe@ataun.eus eta 943 06 19 63 telefono zenbakia.
Aurkezpenera bildutako auzotarrak, azalpenak aditzen. // Argazkia: Ataungo Udala
