Mendia eta jaia La Salleko mendi taldearen 25.urteurrenean
Zumarragako La Salleko mendi taldeak 25 urte bete ditu aurten eta gaurkoan ospakizun gisa mendi irteera eta bazkaria egin dituzte.
Goizean abiatu dira mendi irteerara, 25.urteurrenaren aitzakiapean, Zumarragako La Salleko mendi taldekoak. Ondoren, 13:10 aldera heldu dira lehenengoak La Salleko patiora eta bertan jaia lehertu da.
Karpa handi bat jarri dute patioan bazkaltzeko eta frontoiko espazioa ere horretarako erabili dute. Bestalde, eszenatoki txiki bat ere izan dute, ekitaldia egiteko eta arratsaldeko disko festarako. Menditik iritsi eta haur guztiak eszenatoki inguruan bildu dira, eta dantzan aritu dira jo ta su.
