Ilintxak zaleen laguntza eskatu du
Jubenilen taldeak mailari eusteko partida erabakiorra du asteburuan. Zaleen babesa eskatu dute, eta pizgarri gisa ogitartekoak salduko dituzte
Ilintxak zaleen laguntza behar du mailari eusteko partida aurrera ateratzeko. Jubenilen taldea hamalaugarren postuan dago, Beasainengandik bi puntura. Irabaziz gero, aurreratu egin ditzakete, beraz. Oñatiko Aloña Mendiren aurka jokatuko dute, bihar, 19:30ean, Irene Paredes futbol zelaian.
Festen hasierarekin bat egiten duenez, zuzendaritzak kezka du harmailak behar beste beteko ote diren. Horregatik, pizgarri modura, ogitartekoak salduko dituzte, edari eta guzti. Hiru euro ogitarteko bakoitzeko. Atsedenaldian banatuko dituzte, baina aurretik enkargatzeko aukera egongo da, itxaron beharrik gabe gozatu ahal izateko.
