Musika Eskolako ikasleen Udaberriko Kontzertuak gaur hasiko dira
Gaur bi kontzertu egingo dituzte, 17:30ean eta 18:45ean, Barrenako areto nagusian. Hurrengoak etzi eta hilaren 8an eta 10ean izango dira, 18:00etan.
Ordiziako Musika Eskolako ikasleak Udaberriko Kontzertuekin hasiko dira gaur. Kontzertu guztiak Barrenako areto nagusian izango dira. Gaurkoan bi egingo dituzte: 17:30ean lehena, eta 18:45ean bigarrena. Hurrengo egunetan, aldiz, egun bakoitzean kontzertu bana emango dute. Ostegunean eta maiatzaren 8an eta 10ean izango dira besteak, 18:00etan.
Adin guztietako ikasleek eskainiko dituzte emanaldiak, 8 urtetik gorako gazteek zein helduek, instrumentu ezberdinekin: pianoa bakarka edo 4 eskuetara, zeharkako txirula, saxofoia, gitarra taldeak, instrumentu ezberdinen taldeak… Generoari dagokionez, denetik joko dute, musika klasikoa zein modernoa.
