Datorren ikasturterako izena eman daiteke jada Toberan
Tobera musika eskolako ikasleen emenaldi bat artxiboko argazkian. ARGAZKIA: Tobera musika eskola Tobera musika eta dantza eskolan 2023-24 ikasturterako izena emateko epea ireki dute jada. Maiatzaren 21era arte egongo da izena emateko epea irekita. 4 urtetik gorako umeek, haur, gazte zein helduentzako dago izen ematea irekita. Aurten izena online eman daiteke tobera.org web gunean sartuta.
Tobera musika eskolan musika-hizkuntza eta euskal dantzak irakasten dituzte; baina musika tresnei dagokionean ere aukera zabala dago: bateria, perkusioa, panderoa, trikitia, txistu eta danbolina, pianoa, gitarra elektrikoa eta klasikoa, baxu elektrikoa eta zeharkako txirula. Musika taldeetan aritzeko aukera ere badago eskolan.
