Egun beteko Olaberri auzoko jaietarako dena prest dute jada Zegaman
Zegaman Olaberri auzoko festak ospatuko dituzte larunbatean. Jaiak Olaberriko jai batzordeak antolatu ditu, Zegamako Udalaren eta Elkartu Nahi Txirrindulari elkartearen laguntzarekin, besteak beste.
Kirol proba batekin emango diote hasiera larunbatean egunari, haurrentzako txirrindulari probarekin 11:00etan. 12:00etan txupinazoa izango da eta ondoren, toka txapelketa. Bazkaritarako elkartuko dira 14:00etan eta 16:30ean hasiko dira haurrentzako jolasak; 18:30ean herri kirolen erakustaldiak hartuko die erreleboa. Arratsaldean zehar, poteoa izango da buruhandiekin Jo Motel txarangak girotuta, eta 21:00etan festari agurra.
