Osinalde elkarteko mus txapelketa bihar jokatuko da Gabirian
Muslariak iaz, Osinalde elkartean./Iñaki Maiz Gabiriako Osinalde elkarteak mus txapelketa egingo du, bihar, ostirala, maiatzak 5. Izen-ematea 20:30etik 21:00etara bitartean izango da, bikoteko 20 euro ordainduta (18 urtez behekoek 10 euro). Jokoan 21:00etan hasiko dira.
Zortzi erregera, eta zortzi hamarreko hiru ustelera jokatuko da. Bikoteko batek behintzat herritarra izan beharko du. Lehen laurek izango dute sari bana: irabazleek arkumea eta bi botila cava, bigarrenek bi legatz eta bi botila txakolin, hirugarrenek bi txuleta eta bi botila ardo, eta laugarrenek bi oilasko eta bi botila sagardo. Gainontzeko partaideen artean, bi saski zozkatuko dituzte.
Muslariak iaz, Osinalde elkartean./Iñaki Maiz
