Net eta Irigoien Txindokiko kilometro bertilakeko garaile eta errekor berriak

Ïu Net eta Naiara Irigoien izan dira azkarrenak aurtengo Txindokiko Kilometro Bertikalean. Sekulako maila izan da aurtengo edizioan ere eta erronka ikaragarria jarri dute bi buruek, errekor berriak ezarrita.

Maider Insausti

Zaldibia

2023/05/07

Txindokiko kilometro bertikala Goierrin oso lasterketa berezia izan ohi da, Goierri Kopako lasterketetako bat izateaz gain. Bestalde, aurten, Euskadiko Txapelketarako ere puntuagarria izan da lasterketa hau. Larraiztik abiatu korrikalariak, lehenbizi Gaintzako bidegurutzeraino jaitsi dira eta bertatik hasi da kronometroa zenbatzen. Aurtengo lasterketak, gainera, izan du berezitasun bat: iaz Asier Larruzeak ezarritako 35 minutu eta 59 segunduko marka hautsi du Ïu Net korrikalari kataluiniarrak, ibilbidea 34 minutu eta 22 segunduan osatuz eta Naiara Irigoienek ere errekorra ezarri du, 40minutu eta 20 segundutan eginez lasterketa. Biek ala biek sekulako errekorra ezarri dute hurrengo edizioei zailtasuna gehituz.

240 korrikalarik eman dute izena aurtengo Txindokiko Kilometro Bertikalerako, baina 195 izan dira lasterketan parte hartu dutenak. Horietatik 47, emakumezkoak. Lehen helmugaratuak errekorraren jabe egin den Ïu Net kataluiniarra eta Naiara Irigoyen nafarra izan dira. Euskadiko Txapelketari dagokionean, EAEko lehen korrikalariak Iñigo Alzola Gordoa arrasatearra eta Maite Zabaleta aretxabaletarra izan dira. Goierritarren kasuan, azkarrenak Amaia Insausti Idiazabaldarra eta Iñigo Uribeetxebarria.