'Frontona' ikuskizuna izango da igandean Urdaneta ikastetxeko frontoian
Bertsoa, dantza, musika edota pilota uztartzen ditu emanaldiak. 18:30ean hasiko da. Sarrera doakoa da.
Euskal Jaietako egitarauaren barruan, igandean, Jubilatuen Egunez, Frontona ikuskizuna izango da Urdaneta ikastetxeko frontoian, 18:30ean. Antzerkia, bertsoa, dantza, maskarada, musika edota pilota uztartzen ditu emanaldiak, eta Euskal Herriko kulturaren ezagutzea areagotzea du helburu. Ikuskizun interaktiboa da. Iñaki Urruzolak zuzenduta, Andoni Egañak, Ander Malbadik, Aranzazu Rodasek, Unai Ormaetxeak eta Nagore Leonek osatuko dute taldea. Sarrera doakoa da.
