Irailaren 21etik 23ra izango da Beasaingo Garagardo azoka
Datorren irailaren 21etik 23ra ospatuko da Garagardo azoka Beasainen, Goierriko presoen lagunen ekimenez. Aurtengoa 10. ekitaldia du eta ohiko tokian lekua hartuko du, plazapean. Hiru egunetan, arratsaldeko 18:00etatik aurrera zabalduko dute. Garagardozaleek izango dute non aukeratu: 30 garagardo desberdin dastatu ahalko dira. Edanari laguntzeko, jatekoa ere izango da. Bi pertsonentzako menua 32 euroan izango da eta ogitartekoak eta zizka-mizkak ere egongo dira.
