Goierri pilota eskolako entrenamenduak hilaren 25ean hasiko dira
Goierri pilota eskolak hilaren 25ean hasiko ditu 2023-2024 denboraldiko entrenamendu saioak. Aurrebenjamin mailakoek (2016an eta 2017an jaiotakoek) astelehenetan (18:15-19:15) eta asteazkenetan (17:00-18:00) entrenatuko dute, benjamin mailakoek (2014an eta 2015ean jaiotakoak) astelehenetan (17:00-18:15) eta asteazkenetan (18:00-19:15), kimu mailakoek (2012an eta 2013an jaiotakoek) asteartetan (18:15-19:30) eta ostegunetan (18:15-19:30) eta haur mailakoek (2010ean eta 2011n jaiotakoek) asteartetan (17:00-18:15) eta ostegunetan (17:00-18:15).
Entrenamendu saioak Ederrena pilotalekuan izango dira. Denboraldia ekainean amaituko da. Pilotan jokatu nahi dutenek, dagoeneko izena eman dezakete. Taldeak adin mailaren arabera antolatuko dira. Denboraldi berrirako izen ematea Goierri pilota eskolaren goierripilota.blogspot.com webgunean egin behar da. Webgune horretan pilota eskolari buruzko informazio zabala dago eskuragarri. Edozein zalantza argitzeko, pilotagoierri@gmail.com helbide elektronikora idatzi daiteke.
