San Migel eguneko herri afarirako txartelak salgai
San Migel eguneko herri afaria, iaz. ARGAZKIA: Ormaiztegiko Udala Urtero bezala, aurten ere San Migel eguna ospatuko dute Ormaiztegin irailaren 30ean. Ormaiztegiko Udalak jakitera eman duenez, egun horretan egingo den herri afarirako txartelak dagoeneko salgai daude online, Ormaiztegi App-ean.
Gogorarazi dute, txartela erostea beharrezkoa dela herri afarian parte hartu ahal izateko. Gainera, txartelak zenbakituta salduko direnez, talde edo kuadrillei txartel guztiak batera erostea aholkatzen zaie.
Arazorik izan ez gero, kultura sailarekin harremanetan jar daiteke kultura@ormaiztegi.eus helbide elektronikoaren bitartez, edo 688 65 74 55 telefonora deituta.
