Etxeko txikiek zuhaitzak identifikatzen ikasteko aukera izango dute
Anduetza parketxeak Zuhaitzen istorio harrigarriak jarduera antolatu du irailaren 24rako. 10:00ean hasi eta bi ordu geroago amaitzea aurreikusten dute, eta pertsonako lau euro ordaindu beharko da. Ekintza honetan parte hartzeko nahitaezkoa izango da aldez aurretik izena ematea anduetza@gipuzkoanatura.eus helbidean edo 943 80 21 87 eta 688 62 36 09 telefonoetan.
Zegamako arboretumean izango da ekitaldia, eta paseo bat eginez burutuko da hau. Ekintza honen bidez inguruko basoetan bizi diren zuhaitzak identifikatzen ikasteko aukera izango dute familiek, eta bitartean haien istorioak entzuteko aukera ere izango dute.
Familian egiteko jarduera gisa deskribatzen dute antolatzaileek: “Jolasen bidez, zuhaitzen bitxikeriak, istorioak, balore naturalak eta kulturalak ezagutarazi nahi ditugu, eta bide batez etxeko txikienak beren ingurune naturalera hurbildu”.
