Emaneurre taldeak irabazi du sokatira lehiaketa
Atzo Kuadrillen Eguna ospatu zuten Urretxun. Urteroko moduan, arratsaldean sokatira lehiaketa egin zuten Gernikako Arbola plazan, Urretxu Zumarraga Herri Kirol Elkarteak antolatuta. Sei taldek parte hartu zuten, horietako bat mistoa eta beste bat neskez osatua. Denak denen kontra lehiatu ziren eta ondoren puntuen batuketa egin zen. Emaneurre taldea nagusitu zen. Bigarren postuan RMF sailkatu zen eta hirugarrenean PA. Harmailan sekulako giroa egon zen, baina antolatzaileek ekitaldi horretaz gozatu ahal izateko parte hartzaileak behar direla gogoratu dute. Horra hor Gotzon Aranburuk egindako bideoa.
