Iñaki Gastro sukaldari eta influencer urretxuarra Realarekin lan egiten ari da
Iñaki Gastro (Iñaki Tejedor) sukaldari eta influencer urretxuarra Realarekin lan egiten ari da. Egitasmoak Real Cooking by Iñaki Gastro du izena. Futbola, gastronomia eta jokalarien dieta osasuntsua uztartuko dituzte. Iñaki Gastrok hiruzpalau bideo egingo ditu hilero: batzuk bakarrik eta beste batzuk Realeko jokalariekin. Jokalariei elkarrizketa motzak egingo dizkie. Plater osasuntsuak prestatuko ditu eta Ligako eta Txapeldunen Ligako arerioi keinua egingo die. Lehenengo bideoa gaur zintzilikatu dute Realaren eta Iñaki Gastroren Instagram-en. Almejak saltsan egin ditu (Donostiako platera), pastarekin (Italiakoa). Izan ere, Realak Milango Inter taldearen aurka jokatuko du bihar.
