Patxi Ezkiagak hil aurretik euskaratutako 'Meditazioak' saiakera argitaratu du Balea Zuriak
John Donne poeta ingelesaren 'Devotions Upon Emergent Occasions' lanaren lehen atala da.
Patxi Ezkiaga zena.Iñigo Ibañez 
Patxi Ezkiaga (Legorreta, 1943 – 2018) idazle, irakasle eta itzultzaile legorretarra zenak euskaratutako Meditazioak saiakera argitaratu du Balea Zuria argitaletxeak. John Donne poeta ingeles metafisikoaren Devotions Upon Emergent Occasions lanaren lehen atala da. Gaixotasun baten aurrean atsekabeturik dagoen gizon baten aiene larria du oinarrian liburuak. Asteazkenean aurkeztu zuten, Donostian.
XVII. mendeko lana da. Hiru zatitan dago banatuta: Gabriel Insaustiren hitzaurrea, Ezkiagaren itzulpena eta Izaak Waltonek Donneren bizitzari buruz idatzitako testua, Felipe Juaristik laburtu eta itzulia. Euskaratutako Donneren lehen liburua da.
