Jentilen Etorreraren bi saioetarako sarrerak agortuta
Bigarren saiorako sarrerak bart agortu dira. Hala ere, 19:15ak aldera San Martingo plazan egingo duten kale antzezpena ikusteko aukera izango da.
Jentilbaratza elkarteko kideek aste honetan jakinarazi diote hedabide honi bihar 22:00etan egingo duten Jentilen Etorrera herri antzezpeneko bigarren saiorako sarrera batzuk salgai bazirela oraindik, baina bart denak agortu dira. Aurreneko saioa 20:00etan izango da, eta harako sarrerak aspaldi bukatu ziren.
Hala ere, 19:15 aldera, San Martingo plazan kale antzezpena egingo dute, eta behin hori eginda Auzoetako kiroldegira abiatuko dira pertsonaia, aktore eta herritarrak kalejiran. Aldaketekin eta beldurraren osagaia erantsita antzeztuko dute aurten Jentilen Etorrera.
Erlazionatutako edukiaALBISTEA. Jentilen Etorrera antzezpenaren berrikuntzak
