Bote luzea irakasgai Seguran
Bihar ikastaroa eta solasaldia egingo dituzte, eta igandean partida bat jokatuko dute Errebote plazan.
Bote luzea jokoko partida bat Otxandion, Bizkaian. Bote luze jokoa irakasgai izango dute egunotan Seguran. Bihar, hilak 26, bi ekitaldi izango dituzte. Batetik, pilota eskolako haurrek bote luze jokoa ikasteko aukera izango dute (17:00etan, plazan), eta ondoren, Joxe Mari Mitxelena aditu oiartzuarrak antzinako pilota-joko eta bitxikerien inguruko solasaldia egingo du (19:00etan, kultur etxean).
Igandean, berriz, bote luze partida jokatuko da Errebote plazan, orain 300 urteko desafio bat gogoratuz. Euria egingo balu, Baratze pilotalekura izango da partida.
