Ziklo-kroseko teknifikazio saioa egin dute Ormaiztegin
Gipuzkoako ehun txirrindulari gaztetxo inguru elkartu dira, eta Gorka eta Ion Izagirre anaia txirrindulariek ere parte hartu dute jardunaldian.
![](https://goierri.hitza.eus/site/files/2023/11/gorka-ion.jpg)
Gipuzkoako ehun bat txirrindulari gaztetxok –benjamin alebin eta infantil mailakoak– parte hartu zuten atzo Ormaiztegiko Txirrinduaren Lagunak elkarteak, Gipuzkoako txirrindu eskolek eta Gipuzkoako Federazioak antolatutako ziklo-kroseko teknifikazio jardunaldia.
Gorka eta Ion Izagirre anaiak ere parte hartu zuten, aholkuak gaztetxoei emanez. Ormaiztegin prestatutako zirkuitu batean aritu ziren zenbait teknika ikasten: oztopoak gainditze n, kontroletan txirrindua aldatu eta irteten, bihurguneak hartzeko teknikak ikasten, eta multzo handietan lehiatzen belardiak eta asfaltoa tartekatuz, besteak beste.
Argazkiak: Angel Elortza