Inauterietako festa ospatzen ari dira Lazkaoko gazteak
Euskal kultura jarri dute gai bezala
Lazkaon inauteri festa ospatzen ari dira, Gazte Asanbladak antolatuta. Egun osoko egitaraua prestatu dute, eta Lazkaoko plaza eta inguruak mozorro koloretsuz alaitu dituzte.
Mozorrotzeko gaitzat euskal kultura jarri dute. Hor barruan sartzen diren edozein gai, pertsonaia edo pasarte irudikatu dituzte. Festa 12:00etan hasi da. Plazan elkartu, eta karropoteoa egin dute herrian barrena, musika jarrita kalejira modura. Ohitura duten bezala, taldeko argazkia atera dute, 14:00etan, Herriko aurrean.
Lagun arteko bazkariaren ondoren, 18:30etik aurrera, Elektropikala elektrotxarangak girotu du inauteria.
