‘Bizkarsoro’ filmaren emanaldia eta solasa izango dira Ataunen
Manex Fusch aktorea joango da Herri Antzokira, eta harekin solasaldia egingo dute bukaeran.
Bizkarsoro euskal filmaren herrikako aurkezpen bira Ataunera iritsiko da. Emanaldia Herri Antzokian izango da, bihar osteguna (otsailak 15), 19:00etan hasita. Josu Martinez bilbotarrak zuzendutako filma da, Ipar Euskal Herrian euskararen aurkako errepresioa eta frantsestea irudikatzen duena. Emanaldiaren ondoren Manex Fusch aktorearekin solasaldia egin ahalko da.
