Zuhaiztiko erabiltzaileek zentroaren 36. urteurrena ospatuko dute igandean
San Jose egunean izango da urteurrena, baina igandean egingo dute ospakizuneko bazkaria. Asteartean, 18:00etan, 'Tiempos de mujer' antzezlana izango da.
Mahai eta mugimendu jolasen txapelketako irabazleak, diplomekin.Hitza Zuhaizti Gizarte Zentroko erabiltzaileek zentroaren 36. urteurrena ospatuko dute igandean. San Jose egunean izango da urteurrena, asteartean, baina asteburua baliatuko dute ospakizuneko bazkaria egiteko. Igandean elkarrekin bazkalduko dute izena eman dutenek, eta dantzaldia egongo da gero. Eskulanen eskulanen erakusketa ere jarriko dute ikusgai. Umore Ona abesbatzak, Laguntasuna errondailak eta Urdaneta dantza taldeak emanaldiak eskainiko dituzte.
Asteartean, berriz, San Jose egunean, hamaiketakoa izango da tabernan, eta arratsaldean, 18:00etan, Tiempos de mujer antzezlana egingo du Zuentzat elkarteak.
Urteurreneko egitarauaren barruan, aurreko astean bukatu zen San Jose Zuhaiztiko mahai eta mugimendu jolasen txapelketa. Mus, tute, seiko, puntxo, eskoba, domino, briska, xake, partxis, txintxon, toka, bote eta igel txapelketak jokatu ziren. Atal bakoitzeko irabazleak diploma bana jaso du.
