Altamiran jokatuko du Ampo Ordiziak igandean
Pozuelo Rugby Union taldearen aurka jokatuko du, 12:00etan. B multzoko bigarren postuan dago Ampo Ordizia.
Ampo Ordiziako jokalari eta zaleak bat eginda, lehen itzuliko azken partidan Santboianari irabazi ondoren, Altamiran.Carlos Mediavilla Ampo Ordiziak Ohorezko Mailako liga erregularreko bigarren itzuliko hirugarren partida Altamiran jokatuko du, igandean, 12:00etan. Bigarren itzuli honetan bost partidetatik bi jokatuko ditu etxean; igandekoa, bata, eta azken jardunaldia, apirilean, bestea. Igandean Pozuelo Rugby Unionen kontra jokatuko dute. Ordizia Rugby Elkarteak zaleak deitu ditu estadiora inguratu eta taldea animatzera.
Ampo Ordizia B multzoko bigarren postuan dago, 24 punturekin, lehenengo postuan dagoen Complutense Cisnerosekin eta hirugarrengoan dagoen Barça Rugby-rekin puntuetara berdinduta. Azken txanpa geratzen zaie liga erregularra amaitzeko. Azken partidak aurkari zuzenen aurka izango dira. Laugarren jardunaldia Complutense Cisnerosen aurka izango da, eta bosgarren eta azkena, berriz, Barça Rugby-ren aurka.
