MENDI LASTERKETAK

Iñigo Alzola arrasatearra eta Naiara Irigoien burlatarra irabazle Txindokiko Kilometro Bertikalean

[BIDEOA albiste barruan] 196 lasterkari helmugaratu dira Txindoki puntan. Seniorretan, gizonen podioa Oier Zubeldia amezketarrak eta Aritz Unamuno bergararrak osatu dute, eta emakumeen podioa, berriz, Ainhoa Sanz Rodriguez urretxuarrak eta Maria Zorroza gernikarrak.

Laida Goiburu

Zaldibia

2024/05/18

Gaur goizean jokatu da III. Txindokiko Kilometro Bertikala mendi lasterketa, Euskal Herriko Kilometro Bertikalen Koparako eta Goierri Koparako puntuagarria izan dena. Mendi aldeko lainoa garbitu eta eguraldi eguzkitsua atera da goizean. 10:00etan atera dira lehenengo korrikalariak, bosteko taldean, eta bosnaka, minutu erdiko aldearekin atera dira multzoka ondoren guztiak, neutralizatuta. Kronoigoera Gaintzako bidegurutzean hasi dute lasterkariek. Iñigo Alzola arrasatearra eta Naiara Irigoien burlatarra izan dira irabazleak senior mutiletan eta senior nesketan, hurrenez hurren. Haiek izan dira helmugaratzen lehen mutila eta neska.

Seniorretan, gizonen podioa Oier Zubeldia amezketarrak eta Aritz Unamuno bergararrak osatu dute, eta emakumeen podioa, berriz, Ainhoa Sanz Rodriguez urretxuarrak eta Maria Zorroza gernikarrak. Seniorrez gain, junior, jubenil eta kadeteen kategorietako sailkapenak ere egin dituzte.

3,6 kilometroko ibilbidea osatu dute korrikalariek, 980 metroko desnibelean, Tximista bidetik gora. 196 korrikalari helmugaratu dira Txindoki puntan. Denbora-errekorrak iaz ezarritakoak dira oraindik ere. Gizonetan Iu Net Puig kataluniarrak ezarri zuen 34:22ko denbora, eta emakumeetan, Naiara Irigoien burlatarrak eta aurtengo irabazleak, 40:20ko denbora.

Sailkapenak eta denborak

Senior mutilak:

1. Iñigo Alzola Gordoa (00:37:14)

2. Oier Zubeldia Albeniz (00:37:39)

3. Aritz Unamuno Garai (00:37:46)

Senior neskak:

1. Naiara Irigoien Indave (00:44:32)

2. Ainhoa San Rodriguez (00:44:55)

3. Maria Zorroza Iriondo (00:47:38)

Junior mutilak:

1. Ibai Angulo (00:38:42)

2. Ibon Badiola Lersundi (00:44:33)