Ion Izagirre Frantziako Tourrean izango da
Cofidis taldeak ormaiztegiarraren parte hartzea baieztatu berri du. Gorka Izagirre, momentuz, ez dago talde frantziarraren zerrendan.
Izagirre iazko Frantziako Tourrean Belleville-en-Beaujolaiseko etapa irabazi zuen unean. Marco BERTORELLO / AFP Cofidis taldea apurka apurka ari da datorren ekainaren 29an hasiko den Frantziako Tourrean parte hartuko dute taldekideen izenak argitzen. Ion Izagirre txirrindulari ormaiztegiarraren parte hartzea baieztatu berri du. Momentura arte jakina denaren arabera, Izagirre Guillaume Martin, Bryan Coquard, Alexis Renard eta Simon Geschke taldeekin batera izango da Tourrean. Gorka anaiaren izenik ez da ageri, oraingoz.
Izagirrerentzat hamargarren Frantziako Tourra izango da aurtengoa. Bi etapa irabazia da lasterketa honetan, 2016an bat, eta iaz bestea. Italiako Giroan eta Espainiako Itzulian ere etapa bana irabazitako da. Izagirrek hirugarren urtea bete du Cofidisekin eta taldeko liderretako bat bihurtu da Guillaume Martinekin batera.
