Bi proposamen dakartza Igartza zikloak aste honetarako
Gaur arratsaldean, Jel Trio eta Hutsan txalaparta taldearen kontzertua izango da. Hodeiertz, Oroith eta Loinatz abesbatzen txanda izango da jaian.
Loinatz abesbatza. Igartza musika zikloaren bigarren sei-hilabetekoari hasiera emango diote aste honetan. Bi emanaldi izango dira.
Gaur, Erauskin plazan, 20:00etan hasita izango da Hutsun txalaparta taldearen eta Jel Trioren kontzertua. Estilo, sonoritate eta bide musikal berriak esploratzeko jakin-minetik sortu zen proiektu «berritzaile» hau. Euren ardatza da jazza, tangoa eta euskal musika tradizionala fusionatzea. Javier Lopez Jaso (akordeoia), Marcelo Escriche (kontrabaxua) eta Juanma Urriza (bateria) dira Jel Trio; Mikel Urrutia eta Anai Gambra Uriz, berriz, Hutsun txalaparta taldea.
Maurice Durufle
Bigarren proposamena, Hodeiertz, Oroith eta Loinatz abesbatzen kontzertua da. Maurice Durufle-ren requiem-a abestuko dute hiru taldeek batera. Oscar Rodriguez izango da organoan, Maria Izaga mezzo-sopranoa, Julen Garcia baritonoa eta Enrike Azurzak egingo ditu zuzendari lanak.
Hodeiertz abesbatzako zuzendaria den Enrike Azurzak bultzatutako proiektua da. Durufleren musika maisua izan zen Gabriel Faure-ren Cantique de Jean Racine, eta Cesar Frank konpositorearen bigarren korala si minorrean ere abestuko dituzte.
Kontzertu honetarako sarrerak, emanaldia baino ordubete lehenago salgai jarriko dira bost euroan.
