Zegama-Aizkorri 2024
Zegama-Aizkorri mendi maratoiko laguntzaileen afaria
Uztailaren 12an antolatu dute afaria, eskolako patioan. Bihar izango da izena emateko azken eguna. Menu beganoa ere izango da aukeran.
Boluntarioak aurten, Zegama-Aizkorri mendi maratoia hasi aurreko une batean. Iñaki Gurrutxaga Urteroko legez, Zegama-Aizkorri mendi maratoian laguntzaile moduan aritu direnek afaria egingo dute. Uztailaren 12an izango da afaria, eskolako patioan 21:00etatik aurrera.
Afarian parte hartu nahi duenak, aldez aurretik izena eman beharko du 943 80 11 15 telefonora deituta, edo kultura@zegama.eus helbidera edo 676 408 802 zenbakira mezu bat idatzita. Bihar, uztailak 4, izango da izena emateko azken eguna.
Antolatzaileek jakinarazi dutenez, menu beganoa ere izango da aukeran. Menu hori aukeratzen dutenek, izena ematerako orduan jakinarazi beharko dute.
