Mokelak irabazi du Ordiziako kuadrillen arteko futbol txapelketa
2-0 irabazi dio Gauss-i gaur eguerdian Altamiran jokatu duten finalean. Elkarrekin bazkalduko dute. Santa Ana festak ate joka daude.
Mokela taldea finala irabazi berritan.Laida Goiburu Santa Ana Jaiak ate joka daude, eta horren adierazle da azken hilabeteetan martxan egon diren kirol ezberdinen txapelketak ixten doazela. Gaur eguerdian jokatu da Ordiziako kuadrillen arteko futbol txapelketako finala, Altamira zelaian. Mokela kuadrillak Gauss kuadrillari 2-0 irabazi dio, eta hala, haientzat izan da txapelketa. Zelaia zalez bete da azken partida ikusteko.
Iaz Gauss taldeak irabazi zuen Ordiziako kuadrillen arteko futbol txapelketa, finalean, penaltietan, Tzulori nagusituta. Aurten, ordea, ez dute titulua berresterik izan. Aukera argienak Mokelak sortu ditu, eta lehenengo zatian sartu dute aurreneko gola. Atsedenaldira 1-0ko markagailuarekin iritsi dira. Bigarren zatia hasi eta gutxira, bigarrena sartu du berdez jantzitako taldeak.
Txapelketa amaituta, elkarrekin bazkalduko dute, eta jai giroan murgilduko dira poteorako.
Gauss txapeldunordeak.L.G.
