Errota poligonoan asfaltatze lanak egiten ari dira
Asfaltatze lanak gaur goizean, Idiazabalen.Idiazabalgo Udala. Abuztua herriko kaleak konpondu eta berritzeko aprobetxatzen ari dira Idiazabalen. Gaur hasi eta amaituko dituzte, Errota industriaguneko sarrera asfaltatzeko lanak. Zeregin horretan dabiltza gaur goizean hasita. Iñaki Alberdi Idiazabalgo alkateak esan duenez, gaur bertan amaituko dituzte lanak.
Behin, Errota industriagunekoak amaituta, herrigunean hasiko dituzte lanak. Datozen egunetan, eliza paretik Agotzaineko baskulara arteko bidea asfaltatuko dute.
