30. Azoka ekologikoa izan dute Zerainen
30.Azoka ekologikoa izan dute Zerainen gaurkoan. Ekoizle ekologiko eta artisauen postuak izan dituzte Zeraingo plaza inguruan eta goiz osoan zehar jende ugari ibili da bertan.
30.edizioa izan du aurtengoa Zeraingo 30.Azoka ekologikoak. Bertan, goiz osoan zehar ibili da jendea batetik bestera, postuak ikusiz eta erosketak eginez. Aipatutakoaren arabera, familiak izan dira gerturatutako gehienak. Etxeko txikiek haien neurrira eginiko ekintzak eta txokoak izan dituzte, hala nola, EKO gaileta tailerra.
Azokan artisau postu ugari ikusi ahal izan dituzte bertaratu direnek eta hauetan jantziak, jatekoak eta dekoraziorako produktuak izan dira gehiengoak. Bertan izandakoek giro <<lasaia>> eta <<goxoa>> izan dela azokan azpimarratu dute eta beti bezala <<gertukoa>> sentitu dutela azoka.
