Artista Liburuen Topaketan parte hartuko du Beneditarren Artxiboak
Larunbatean bibliotekara bisita gidatua eta urre-xaflekin liburuak urreztatzeko erakustaldia egingo dituzte, Lazkaon.
Beneditarren fundazioko artxiboa erakusten, iaz, talde bati.Gotzon Aranburu Bigarren urtez jarraian, Lazkaoko Beneditarren Artxiboak Artista-Liburuen IX.Gipuzkoako Topaketetan parte hartuko du. Bisita eta liburu koadernatze saio bereziak egingo dituzte, larunbat honetan, 11:00etatik 13:00etara. Gaztelaniaz izango da.
Lehen zatian, monasterioko bibliotekara bisita gidatua eskainiko du Juan Joxe Agirre artxibozainak. Formatu aldetik bereziak diren liburuak bereziki esplikatuko ditu.
Ondoren, Luis Barrios artista-enkoadernatzaileak liburu-ebakidurak urre-xaflaz urreztatzeko erakustaldia egingo du. Izena eman behar da (943 88 87 81; lbf@lbf.eus).
Goierritarren bisitak
Bestetik, Goierriko udal itunduekin hitzartuta bisita gidatuek ere segitzen dute. Ostegun honetan (urriak 24) Mutiloako herritarren txanda izango da, ostiralean (urriak 25) Olaberrikoena, eta urriaren 31n Zaldibiakoena. Bisitak 18:30etik 20:00etara egingo dituzte, eta aurrez izena eman behar da, artxiboan.
Beneditarren fundazioaren biblioteka erakusten, talde bati. Artxiboko irudiaGotzon Aranburu
