Etxeko auto diagnostiko energetikoa egiteko kanpaina, Idiazabalen
‘Energia Argitu Kit’ azaroaren 13an aurkeztuko dute udaletxeko areto nagusian.
'Energia Argitu Kit' maleta.Hitza Gipuzkoako Eraldaketa Energetikoaren bulegoak Idiazabalgo Udalarekin elkarlanean Energia Argitu programa aurkeztuko du Idiazabalen azaroaren 13an. Kanpaina honen helburua etxean energia eraginkortasuna hobetu eta faktura elektrikoa murrizteko bitartekoak eskaintzea da.
Etxeko energia kontsumoa modu pertsonalizatuan diagnostikatu eta ulertzeko Energia Argitu Kit maleta banatuko zaie interesatuei. Bizpahiru egunetan etxean erabili ahal izango dute neurketak egin eta energia gabeziak detektatzeko —aire-ihesak, berokuntza erradiadoreetako galerak, ur emariaren kontrola, etab.— Kit honek faktura elektrikoan %5 eta %10 arteko aurrezpenak lortzeko hainbat neurri sinple ere proposatzen ditu. Behin etxebizitzaren autodiagnostikoa eginda, parte hartzaileek etxebizitzen birgaitzeko energetikoko espezialistekin lortutako emaitzei buruzko zalantzak kontsultatzeko aukera ere izango dute.
Aurrez izena eman
Ekimenaren aurkezpena azaroaren 13an egingo dute Idiazabalgo udaletxeko areto nagusian, 18:30ean. Parte hartzeko izena eman behar da azaroaren 8a baino lehen, 605 757 687 telefonoan edo energiabulegoa@gipuzkoa.eus helbidean.
