Lardizabalgo LH4ko ikasleak ere izan dira HITZAn
Zaldibiako herri eskolako laugarren mailako taldeak GOIERRIKO HITZAren Beasaingo erredakzioa ezagutu du.
Zaldibiako Lardizabal eskolako LH4ko ikasle taldea, gaur goizean, HITZAren erredakzioan, Beasainen.Mikel Albisu Joan den ostegunean Zaldibiako Lardizabal Herri Eskolako LH3 mailako ikasle-irakasleen txanda izan bazen, gaur goizean LH4 mailakoek bisitatu dute GOIERRIKO HITZAren Beasaingo erredakzioa. Egoitza txikia denez, hauek ere bi txandatan egin dute bisita.
HITZA egunkaria eta GoiBerri aldizkaria non eta nola egiten diren ezagutu dute, baita webguneko edizioak nola osatzen diren ere, eta eskolatik prestatuta ekarri dituzten galdera batzuk ere egin dituzte erredakzioan.
Eskolan irakurketa eta idazketa lantzeko Zaldibiako Hitza proiektua dute martxan bi maila horietan, eta horren aitzakian etorri dira Beasainera.
Eskerrik asko bisitarengatik kuadrilla!
Zaldibiako Lardizabal Herri Eskolako LH4ko bigarren taldea, HITZAren egoitzan.Mikel Albisu
