Otsoak Dantza Taldeak emanaldia eskaini du San Martin jaien barruan
Ataungo Otsoak Dantza Taldeak emanaldia eskaini du San Martin jaietako igande arratsaldean.
Dantzarako unea izan da igande arratsaldean Ataunen. Otsoak dantza taldeak emanaldia eskaini du San Martin festen egitarauaren barruan. Arratsaldeko 17:30etan eman diote hasiera ikuskizunari, umorez betetako aurkezpenekin eta giro bikainarekin, herriko plazako karpan. Jendetza elkartu da ikuskizunaz gozatzeko prest eta karpa bete dute.
Denetariko euskal dantzak eskaini dituzte ikuskizunean zehar, batzuk tradizionalagoak eta beste batzuk euskal musika ezagunekin eginiko koreografiak, denak euskal dantzen erritmora. Txikienek txulalai, orpo punta, belauntxingo eta abar egin dituzte eta ondoren, gero eta handiagoak izan dantzariak gehiago jo dute koreografietara.
Umore ona, alaitasuna eta musika izan dira, dantzaz gain, arratsaldeko protagonista.
