2025eko Zegama-Aizkorri maiatzaren 25ean jokatuko da
Mendi maratoiak 24. edizioa izango du. Aurre izen-ematea urtarrilaren 13an irekiko dute, 12:00etan. Dortsalen zozketa otsailaren 21ean izango da.
2025eko Zegama-Aizkorrik badu data: maiatzaren 25ean jokatuko da 24. edizioa. Urteroko legez, 2025eko edizio honetarako ere, 225 dortsal zozkatuko dituzte.
Maratoiko dortsaletan parte hartzeko aurre izen-emateak urtarrilaren 13an zabalduko dituzte, 12:00etan, Rockthesport.com izen-emate plataformaren bidez. Hamar egunez, urtarrilaren 13tik 24ra, parte hartu nahi duten guztiek aurrez izena eman ahal izango dute maratoiko dortsala eskuratzeko. Urtarrilaren 27an, berriz, Kilometro Bertikaleko eta Junior Traileko (16-18 urte) epea irekiko dituzte. Hiru lasterketetarako dortsalen zozketa otsailaren 21ean egingo da.
2025eko maiatzaren 25ean, 2024ko edizioan irabazleen lekukoa hartuko duten atletak ezagutuko dira: Kilian Jornet, proban hamaikagarren garaipena lortu zuena 3h38.07ko denborarekin (lasterketaren historiako bigarren denborarik onena) eta Sylvia Nordskar norvegiarra (4h29.12), maratoi batean lehen garaipena lortu zuena.
2025eko Zegama-Aizkorriren datak
- Urtarrilak 13. 24.Zegama-Aizkorri Maratoiaren aurre izen ematea.
- Urtarrilak 27. XI. en Zegama-Aizkorri Kilometro Bertikalaren eta XIV. en Zegama-Aizkorri Junior Trail-aren aurre izen emateak.
- Otsailak 21. Dortsalen zozketa.
- Maiatzak 23. XI. en Zegama-Aizkorri Kilometro Bertikala.
- Maiatzak 25. 24. Zegama-Aizkorri Maratoia eta XIV. Zegama-Aizkorri Junior Trail-a.
