Erregeen desfileak Goierriko bederatzi herritan
Astelehen arratsalde-iluntzean egingo dituzte ekialdeko Errege magoen etorrerako antzezpenak.
Beasaingo Erregeen desfilea, iaz. Loinaz Agirre Datorren astelehenean, urtarrilak 5, Goierriko zortzi herritan egingo dituzten Errege magoen etorrera antzezteko desfileak. Hona herriz herriko zerrenda.
BEASAIN
Beasainen Igartzako jauregitik abiatuko da desfilea, 18:15ean, eta 19:15ean egingo diete ongi etorri ekitaldia Loinazko San Martin plazan. Aurrez, erregeek bisita egingo dute Arangoiti zaharren egoitzara (10:30) eta haurren gutunak bilduko dituzte 12:00etan plazan.
IDIAZABAL
Idiazabalgo Erregeen desfilea 18:00etan hasiko da, eta plazako kioskoan egingo dieten harrerarekin amaituko da.
LAZKAO
Zubizkitzak abiatuko da Erregeen desfilea 18:30ean, eta herriguneko hainbat kale zeharkatu eta gero, Lazkaoko Txiki plazan egingo diete harrera.
LEGAZPI
Bikuña kiroldegitik abiatuko da Erregeen desfilea 18:00etan, eta herriko hainbat kale igaro ondoren, udaletxean bukatuko dute ibilbidea. Euria eginez gero, Azokan egingo amaiera ekitaldia, gainerako guztia bertan behera utziz.
OLABERRIA
Olaberriko herri kaskotik aterako da Erregeen segizioa 17:00etan, eta Ihurre auzoan bukatuko da.
ORDIZIA
Ordiziako Erregeen desfilea 18:30ean abiatuko da Buztuntza auzotik, eta herriguneko hainbat kale zeharkatu ondoren, Plaza Nagusian bukatuko da.
ORMAIZTEGI
Mendizabaldik abiatuko da 18:00etan desfilea, eta plazan bukatuko da.
ZEGAMA
Maxkarra mendi ingurutik abiatuko da Zegamako Errege Magoen desfilea 19:00etan, eta herria zeharkatu ondoren, elizan bukatuko da.
ZUMARRAGA
Antiotik abiatuko da Errege desfilea 19:00etan, eta Mertzedariataran eta Herodesen jauregian gekdialdia egin ondoren, Euskadi plazara iritsiko da.
