Zaldibiako 'Izan Kantuz' erronka zuzenean
Zaldibiarrek munduko errekorra jartzeko ahalegina egingo dute, Izan Kantuz erronkarekin. Gaur arratsaldeko 18:00etan hasita, 26 orduz etenik gabeko kantu-katea osatu nahi dute. Herri antzokiaren aurrean jarritako karpan izango da erronka, eta dozenaka herritarrez gain, hainbat kantari ezagunek ere parte hartuko dute, tartean izango dira Mikel Markez, Zuriñe Hidalgo (Hesian), Maider Zabalegi (Alaitz eta Maider, Miren Fernandez, Jon Urdangarin (Drindots) edota Xabier Saldias (Egan). Aitziber Garmendia eta Iker Galartza aktoreek ere parte hartuko dute egitasmoan.
Goierriko Hitzaren bidez, zuzenean jarraitu ahal izango da Izan Kantuz egitasmoa, hasieratik bukaerara. Hemen egitarau osoa.
EGITARAU OSOA
Gaur, ostirala · 17:00: Zaldibiako plazatik kalejiran abiatuko gara txistularien gidaritzapean Herri Antzokira. · Bertan Izan Kantuz erronkari hasiera emateko ekitaldia. · 18:00: Izan Kantuz erronkari hasiera emango zaio. · 18:30: Porrotxen bixita eta kantuak. · 18:45: Alaitz eta Maider taldeko Maider Zabalegi abeslaria kantari. · 20:00: Mikel Markez abeslaria kantari. · 20:00-21:30: Ordiziako eta Beasaingo kantu Jirek Zaldibiako kaleak alaituko dituzte. · 23:00: Abarlotz Olano abeslari zaldibitarra kantuan. · 01:00: Naroa Gaintza abeslaria kantuan · 02:00: Gureran taldeko Manex Mendizabal · Sukaldea eta taberna irekita egongo dira 26 ordutan zehar eta gosari bereziak eskainiko dira karpan. Bihar, larunbata · 09:00: Zubi Buru elkartekoen eskutik txokolatada karpan · 11:00: Miren Fernandez abeslaria · 11:30-13:30: Plentziako kantu Jirako lagunak alaituko dituzte Zaldibiako kaleak. · 12:00: Hesian Taldeko Zuriñe Hidalgo izango dugu kantari · 13:00: Aitziber Garmendia eta Iker Galartza aktoreak izango ditugu kantari · 14:00: Herri bazkaria. Txartelak tabernetan salgai. Helduak 16€ eta haurrak 5€tan. · 17:00: Drindots taldeko Jon Urdangarin · 18:00-19:30: Andoaingo kantu Jirakoak, Zarauzko Montetxio korua eta Lasarteko Xumela Koruko lagunak alaituko dituzte Zaldibiako kaleak. · 19:00: Egan taldeko Xabier Saldias, Idoia Uralde eta Julen Iraola · 20:00: Amaiera ekitaldia
