Antzerkia: 'Oskarra Oskarrentzat'
Urtarrilaren 31n, 20:30ean, Oskarra Oskarrentzat antzezlana egingo dute Beasaingo Usurbe antzokian, Ordiziako eta Beasaingo udalek antolatutako Antzerki Garaia zikloaren barruan.
- Egilea: Mario Hernandez
- Itzulpena: Martin Agirre
- Ekoizpena: Lamandanga
- Antzezleak: Ane Gabarain, Mikel Laskurain, Oihana Maritorena eta Jon Plazaola
- Zuzendaritza: Mario Hernandez
- Iraupena: 90 minutu
SINOPSIA
Los Angeles (EAB) Zine Akademiako sariak, Oscar preziatuak banatzen direneko gau magikoa. Gu hiriaren kanpoaldean kokatutako Motel xixtrin batean gaude.
Óscar Manzano zine zuzendari gaztea Laburmetraia onenaren sailean izendatu dute eta Zinearen hirira iritsi da Guillermo Barrientos Kultura ministroa eta Irene Navarro Ogasun ministroarekin batera. Bi politikariek ezin dute elkar ikusi ere egin, eztabaida eta matrakan dihardute etengabe. Oscarrek uste gabeko bisita ere izango du; Pauline izeneko escort girl misteriotsu batena.
