Zaldibiako Lardizabal eskolakoak HITZAn bisitan
LH3 mailako ikasle taldea izan da gaur goizean GOIERRIKO HITZAren Beasaingo egoitzan, irakurketa eta idazketa lantzeko eskolako proiektuaren barruan.
Zaldibiako Lardizabal Herri Eskolako LH3 mailako ikasleak GOIERRIKO HITZAren Beasaingo erredakzioan izango dira gaur goizean. Egoitza txikia da, eta bi taldetan banatuta egin dute bisita. HITZA egunkaria eta GoiBerri aldizkaria non eta nola egiten diren ezagutu dute, baita webguneko edizioak nola osatzen diren ere. Hogei urteotan osatutako argazki artxibo digital handiak ere haurren ikusmina piztu du. Prestatuta ekarri dituzten galdera batzuk ere egin dituzte erredakzioan.
Eskolan irakurketa eta idazketa lantzeko Zaldibiako Hitza proiektua dute martxan Zaldibiako eskolan, eta horren aitzakian etorri dira Beasainera. Datorren astelehenean LH4ko taldearen txanda izango da.
Eskerrik asko bisitarengatik kuadrilla!
Zaldibiako Lardizabal Herri Eskolako LH3ko bigarren taldea, HITZAren egoitzan.Mikel Albisu
