Hamabi goierritar bertsolari txapelketan, asteburuan
Larunbatean Oñatin eta Zumaian abestuko dute eta igandean Usurbilen eta Zizurkilen. 30 onenak Gipuzkoako Bertsolari Txapelketarako sailkatuko diraAsteburu honetan Gipuzkoako Bertsolari Txapelketako sailkapen faseko saioak jokatuko dira Oñatin, Zumaia...
Larunbatean Oñatin eta Zumaian abestuko dute eta igandean Usurbilen eta Zizurkilen. 30 onenak Gipuzkoako Bertsolari Txapelketarako sailkatuko dira
Asteburu honetan Gipuzkoako Bertsolari Txapelketako sailkapen faseko saioak jokatuko dira Oñatin, Zumaian, Usurbilen eta Zizurkilen. Saio horietan Goierriko hamabi bertsolarik parte hartuko dute.2015eko Gipuzkoako Bertsolari Txapelketa udazkenean hasiko da, baina parte hartu nahi duten bertsolariek sailkatu beharra dute. 74 bertsolarik eman dute izena. Bertsolari bakoitzak bi saio jokatuko ditu eta azken puntuazioa bi saio horien batura izango da. Sailkapeneko lehenengo 30 bertsolariak sailkatuko dira txapelketarako.
Hamabi bertsolarik dagoeneko bi saioak jokatu dituzte. Oraingoz, Ander Lizarralde da puntu gehien lortu dituena. Gorka Azkarate urretxuarra laugarren postuan dago, Aratz Igartzabal gabiriarra bosgarren, Aitor Irastorza zaldibiarra seigarren, Eneko Araiztegi segurarra zortzigarren eta Beñat Torres urretxuarra hamabigarren.
Bigarren itzuliko hamar saio falta dira. Horietan 62 bertsolarik parte hartuko dute, eta hamar saio horietako zortzi asteburu honetan bertan jokatuko dituzte. Larunbatean Oñatin eta Zumaian abestuko dute eta igandean Usurbilen eta Zizurkilen. Herri bakoitzean bi saio egongo dira. Goizekoa 11:30ean hasiko da eta arratsaldekoa 17:30ean. Azken bi saioak Ataunen izango dira, ekainaren 6an.
Oñatiko goizeko saioan Odei Lopez legorretarrak abestuko du eta arratsaldekoan Julen Agirre beasaindarrrak, Endika Igartzabal gabiriarrak eta Gema Urteaga beasaindarrak. Zumaiako saioetan ez da goierritarrik egongo.
Usurbilen bi goierritarrek abestuko dute: Antton Fernandez urretxuarrak eta Jon Iturrioz beasaindarrak. Biak arratsaldeko saioan arituko dira.
Zizurkilen, sei goierritar
Bukatzeko, Zizurkilen sei goierritar arituko dira. Goizeko saioan Gorka Maiz gabiriarrak eta Asier Sasieta itsasoarrak abestuko dute. Arratsaldeko saioan, berriz, Maialen Akizu urretxuarra, Mikel Iturriotz urretxuarra, Mikel Tapia ataundarra eta Zumaian bizi den Jon Maia urretxurra arituko dira.
Ataungo saioetan goierritar bakar batek parte hartuko du: Amaia Iturriotz urretxuarra arratsaldeko saioan arituko da.
