Euskara, ikuskizunaren bihotza
Datorren urtekoa 20. Korrika izango da. Ikuskizun berrian Pirritx, Porrotx eta Marimotots pailazoek azken kilometroetan zirrara herriz herri eramango dute. Atzo, Legazpin izan ziren
Legazpiko Latxartegi aretoko ate nagusia giltzaz itxita dago. Atzeko atea ere, itxita. Barrualdetik iristen dira Pirritx, Porrotx eta Marimototsen ahotsak bozgorailuek altxatuta. Tipi-tapa Korrika ikuskizun berriaren aurre estreinaldirako entseguetan ari dira ateak ireki direnean. Oraindik, Aiora Zulaika, Joxe Mari Agirretxe eta Mertxe Rodriguez gisa doaz jantzita, hurrenez hurren. Aldagelan pailazo bihurtzen ari direla aurtengo ikuskizunean euskara ardatz eta bihotz hartu dutela kontatu dute.
Agirretxek, ispilutxoa eskuetan eta aurpegia margotu bitartean, azaldu duenez, «orain artean euskara erabili dugu beti, bitarteko gisa, oraingoan ikus- kizunaren ardatza da». Nork bere erara, taldeko kide guztiek daukate AEKrekin loturaren bat. Marimototsek (Rodriguez) Errigoitiko (Bizkaia) barnetegirako bidaia egin zuen berekin institutuan amaitu zutenetako asko Inglaterrara ingelesa ikastera joan zen sasoi berean. Ordurako egina zuen euskalduntzeko hautua eta AEKn ikasten ari zen. Zerotik hasi eta halako batean euskaraz aritzeko ametsa beste amets batekin bete zuen: «Gau batez euskaraz amestu nuen!».
Porrotxek (Agirretxe) gaztelaniazkoak ditu haurretako eskola inguruko oroitzapenak Lasarte-Oriako haurtzaroan. 16 urterekin alfabetatzen hasi zen AEKn eta gerora magisteritza euskaraz ikasi zuen. Pirritxek (Zulaika) ez dauka saltzeko orain sei urte Gasteizen korritutako Korrikaren azken kilometroa eta irakurritako mezua, «zirrara hura eta jaso genuen maitasun hura guztia… Ikuskizun berriarekin zirrara hori herriz herri partekatu nahi dugu».
Testa Legazpin
Atzokoarekin hamasei urte dira Legazpin ikuskizun berrien aurre estreinaldia egiten dutela. Porrotxek dioenez, «testa da, aukera ona da ikuskizuna, sarrerarik gabe, adin ezberdineko haurrekin probatzeko». 2 eta 6 urte bitarteko haurrak izan ziren lehenengo txandan eta bigarrenean 7 eta 9 bitartekoak. Pailazoak taula gainean kantatzen agertu zirenean haurren pozak eztanda egin zuen atzo Latxartegin.
Ikuskizunarekin batera Miren Amurizak idatzitako ipuinak kaleratuko dituzte, baita disko bikoitz bat ere. Ikuskizunaren abestien diskoari Manolo Urbieta musikagilearekin osatutako diskoa gehitu diote. «Lana ateratzear zegoela joan zitzaigun Urbieta», dio Porrotxek.
«Ikasturte osoa korrikan egingo dugu», esan du Pirritxek, «hiriburuetan nahiz herrietan izango gara, negar zein barre egingo dugu eta hori guztia euskaraz, euskara baita euskaldunok ideia eta hitz politak lotzeko daukagun kaxa».
Atzokoarekin hamasei urte dira Legazpin ikuskizun berrien aurre estreinaldia egiten dutela. Porrotxek dioenez, «testa da, aukera ona da ikuskizuna, sarrerarik gabe, adin ezberdineko haurrekin probatzeko». 2 eta 6 urte bitarteko haurrak izan ziren lehenengo txandan eta bigarrenean 7 eta 9 bitartekoak. Pailazoak taula gainean kantatzen agertu zirenean haurren pozak eztanda egin zuen atzo Latxartegin.
Ikuskizunarekin batera Miren Amurizak idatzitako ipuinak kaleratuko dituzte, baita disko bikoitz bat ere. Ikuskizunaren abestien diskoari Manolo Urbieta musikagilearekin osatutako diskoa gehitu diote. «Lana ateratzear zegoela joan zitzaigun Urbieta», dio Porrotxek.
«Ikasturte osoa korrikan egingo dugu», esan du Pirritxek, «hiriburuetan nahiz herrietan izango gara, negar zein barre egingo dugu eta hori guztia euskaraz, euskara baita euskaldunok ideia eta hitz politak lotzeko daukagun kaxa».
Eguberrietako saioa aurreratuko dute Ordizian Pirritx, Porrotx eta Marimototsek Eguberrietan ohikoa duten Ordiziako saioa aurreartu egingo dute aurten, egutegiak behartuta. Abenduaren 17an izango da Majori kiroldegian, eta bi saio egingo dituzte. Ordiziako Jakintza ikastolak, Lazkaoko San Benito ikastolak eta Beasaingo Andramendi ikastolak antolatzen dute saioa. Lehiatilan bildutako dirua, Seaskarentzat izango da aurten ere.
