Martxoan Bertsoa txapelketako finala, larunbatean gaztetxean
Martxoan Bertsoa txapelketako finala jokatuko dute larunbatean, Urretxuko gaztetxean. Norgehiagoka 23:00etan hasiko da. Urretxu eta Zumarragako nesken taldeak, Zarauzko taldeak eta Bortzirietakoak parte hartuko dute. Nesken taldea Amaia Iturriotz, Sara
Martxoan Bertsoa txapelketako finala jokatuko dute larunbatean, Urretxuko gaztetxean. Norgehiagoka 23:00etan hasiko da. Urretxu eta Zumarragako nesken taldeak, Zarauzko taldeak eta Bortzirietakoak parte hartuko dute. Nesken taldea Amaia Iturriotz, Sara Bidarte eta Iraitz Sarasolak osatzen dute.
Aurtengo finala berezia izango da, Martxoan Bertsoa ekimenak 15 urte bete dituelako. Hori dela eta, urte hauetan guztietan bertsolari txapelketan parte hartu dutenak bazkari batera gonbidatu dituzte. Txapelketa honetan 100 bat lagunek parte hartu dute eta bazkarian 40 bat elkartuko dira. Bazkariaren ostean bertso-poteoa egingo dute Urretxuko tabernatan eta, amaitzeko, finala ikustera joango dira.
Txapelketa Martxoan Bertsoa ekimeneko ekitaldi nagusia da, baina beste ekitaldi batzuk ere egon dira. Hilaren 17an bi ikuskizun egon ziren gaztetxean eta hilaren 31n Urretxu eta Zumarragako eskolarteko bertsopaper lehiaketako sariak banatuko dituzte. Ekitaldi hori Zelai Arizti aretoan izango da, 15:00etan.
Herriarteko Txapelketa
Aurtengo martxoan inoiz baino bertso gehiago entzun dira Urretxu eta Zumarragan. Izan ere, Gipuzkoako Herriarteko Bertsolari Txapelketako saioak ere egon dira. Herriko bi taldek parte hartu dute eta Simimimisolek bigarren fasera pasatzea lortu du. Hamabi talde pasa dira eta lau taldetan banatu dituzte. Goierriko bi taldeek Gabiriako Osinalde da besteamultzo berean abestuko dute. Talde berean Sarri nahi genuen eta Habana etorri zaigu Orioko taldeak abestuko du.
Urretxu-Zumarragako taldeak Orioko Salatxo tabernan abestuko du bihar, 22:30ean. Bigarren saioa apirilaren 7an izango da: 21:00etan Gabiriako Osinalde elkartean, gabiriarrekin eta oriotarrekin. Bukatzeko, apirilaren 9an Simimimisolekoek eta gabiriarrek Urretxuko Osaba tabernan abestuko dute. Taldeko onena finalerdietara pasako da.
