Ludoteka ibiltaria bihar Igartza auzoan
Berritsu eta Txelotxe ludotekak kalera irtengo dira bihar arratsaldean. 16:30etik 19:30era Dolarea pareko plazatxoan txoko, joko eta ekintza ezberdinez antolatutako guneak antolatuko dituzte ludoteketako arduradunek: marrazketa gunea, eraikuntza, txil...
Berritsu eta Txelotxe ludotekak kalera irtengo dira bihar arratsaldean. 16:30etik 19:30era Dolarea pareko plazatxoan txoko, joko eta ekintza ezberdinez antolatutako guneak antolatuko dituzte ludoteketako arduradunek: marrazketa gunea, eraikuntza, txilipurdi eta eskulan txokoak, mahai jolasak, jolas mugikorrak… Ekintza bakoitza adin tarte ezberdinetarako antolatuta egongo da.
Beasaingo bi ludotekek zerbitzua ez dagoen herriko gune ezberdinetara joan nahi dute. Igartza auzotik hastea erabaki dute, eta maiatza inguruan herriko beste txoko batera joango dira. Ludotekak kalera irtetzeko ekintza zerbitzua ezagutzera ematea da eta ludoteka zerbitzua herriko auzo ezberdinetara gerturatzea. Auzo horietako haur, gazte eta gurasoei jolas eta jostailu hezitzaileak ezagutaraziko dizkiete eta asteburu bakar batean bada ere ludoteka zerbitzua eskaintzea.
