Abiadura Handiko Trena igaro ahal izateko Loinazko tunela zulatzeko lanak amaitu dituzte gaur eguerdian Loinazko San Martin baselizaren ondoan. Beasain Mendebaldea deituriko zatian dago Loinazko tunela eta 347 metroko luzeera du. Tunela zulatuta parea...
Garaipena eskuratuta Etchlecu-Montes (15-30) eta Caset-Mendizabal (30-19) bikoteek ez zuten ia une batean ere beldurtzeko arrazoirik izan.
Ampo Ordiziak garaipena eta puntu gehigarria lortu ditu gaur Donostian, Pegamo Bera Berari 25 eta 32 irabazi eta gero. Azken minutuan lortu dute ordiziarrek liga irabazi ahal izateko haien premiazkoak ziren bost puntuak. Bera Berak bere jokoa egin du, ondo itxi ditu espazioak, eta gauzak asko zaildu dizkio Ordiziari, baina Axio Arañaren mutilek fedea izan dute, eta balentria egin dute Anoetako estadio txikian. La Vila liderrarengandik lau puntura dago orain Ordizia, eta kontuan hartuta ligako azken partida elkarren aurka jokatzen dutela Altamiran, dena puri-purian dagoela ezin daiteke uka. Donostiarrak 14 eta 8 aurretik ziren 20. minuturako, eta atsedenaldira 19 eta 8 irabazten joan dira. Aldageletatik indartsu atera dira Ampo Ordiziakoak, eta hasi eta berehala entsegua lortu dute. Baina donostiarren erantzuna berehalakoa izan da, eta Mittouxen drop batek beste hiru puntu eman dizkiete (22-15). Zigor kolpe bana sartuta, 25 eta 18 zen markagailua 23. minutuan, eta 35.ean lortu du Ordiziak partida berdintzea (25na). Azken minutuan lortu du Ordiziak emaitzari buelta ematea, entsegu bati esker.
Ertzaintzak hemezortzi urteko gazte bat eta adin txikiko beste bat atxilotu ditu bart gauean Beasainen. Bi gazteak, estanko batean lapurreta egin nahian zebiltzan, baina atea behartu dutenean, alarmak jo du. Bi gazteek alde egin dute; Ertzaintzak ordea...
Legazpiko Udalak, Orubide S.A.rekin elkarlanean, inkesta bat egingo du Legazpiko Urtatzola guneko etxebizitza beharrari buruz. Inkesta anonimoa izango da. Orubide S.A. VISESA eta Eusko Jaurlaritzaren Lurzorurako sozietate operadorea da, lurzorua erosi,...
Joxe Arratibel (Ataun, 1923) ipuin-biltzaile eta idazlea herenegun hil zen Estibalitzen (Araba), 78 urte zituela. Ikerlari eta idazle lanak uztartu zituen bere ibilbidean zehar; besteak beste, ahozko tradiziotik jasotako ipuinak bildu eta argitaratu zituen. Azken lana, Izugarriak liburua, 2008an aurkeztu zuen, Ataunen bertan. 1923an jaio zen Joxe Arratibel Ergoienako Sariarte baserrian. Hamazazpi urterekin Lazkaoko fraide beneditarren komentuan sartu zen, eta hamar urte geroago apaiztu zen. Fraide bizimoduak, komentutik kanpo lan egitera ere eraman zuen. Izan ere, urteak eman zituen Venezuelan, misiolari lanetan. Euskal Herrira itzuli ondoren, 1964an, beneditarrek Estibalitzen (Araba) duten komentura joan zen, eta han bizi izan da geroztik. Komentuko hormen artean idatzi izan ditu bere lanik entzutetsuenak. 1980an, ‘Kontu Zarrak’ liburua argitaratu zuen, La Gran Enciclopedia Vasca bilduman. Ahozko tradiziotik jasotako ipuinak bildu zituen argitalpen hartan, eta kontalari aparta izateaz gain, ahozkotasuna gordetzeko konpromiso sendoa agertu zuen. Idazle eta kritiko ugarik goratu izan dute ‘Kontu Zarrak’ liburua. 1995ean berrargitaratu egin zuten, euskara batuan. Baina hura ez zen izan Joxe Arratibelek argitaratutako lan bakarra. ‘Mari Xor eta beste’, ‘Dirua neurtzeko ontzia’ edota ‘Erramun eta Mirentxu’ lanak ere kaleratu baititu harrezkero. Orain, ‘Izugarriak’ liburuarekin osatu du Arratibelek bere bilduma. Lan guztiotan, bere jaioterriko mundu magikoa eta mitologia jaso izan ditu, [...]
Larunbat honetako (urtarrilak 29) irratsaioa berezia izango da Zirika Irratian. San Blas jaiak gainean direla eta, festei buruzko saioa prestatu dute. Jaietan protagonista izango diren herritarrak gonbidatuko dituzte irratira, eta egitarauari errepasoa...
Urteroko ohiturari jarraituz, San Blas jaietako lehen igandean herri krosa jokatuko dute Idiazabalen. Aurtengoa, antolatzen duten 31. aldia da. Haurren lasterketak, 10:45ean hasita egingo dituzte eta proba nagusia berriz, eguerdiko hamabietatik aurrera. Benjamin mailako lasterketak Goierri beheko haurrentzako bakarrik izango dira eta begiraleek kontrolatuko dute erritmoa. Lau lasterketa egingo dituzte, 2002an jaiotako neskena eta mutilena eta 2001ean jaiotako neskena eta mutilena. Guztiek 600 metroko ibilbidea egin beharko dute helmugan sartu aurretik. Gero neska eta mutil alebinak irtengo dira lasterketa banatan eta 1.100 metro osatu beharko dituzte. Lasterketa nagusiaren aurretik neska eta mutil infantilek korrika egingo dute. Horiek 1.600 metro egin beharko dituzte lana borobiltzeko. Proba nagusia Eguerdiko hamabietan proba bakarrean parte hartuko dute neska eta mutil kadeteek, emakumezko eta gizonezko helduek eta emakumezko eta gizonezko beteranoek. Neska eta mutil kadeteek 3.511 metro egin beharko dituzte eta helduek eta beteranoek berriz, 10.182 metro. Ohiko sariez gain, lasterketa bukatzen duten haur guztiek domina jasoko dute eta kadeteek, helduek eta beteranoek diploma, egindako denborarekin. Kadeteen, helduen eta beteranoen artean kirol materiala eta bertako hainbat produktu ere zozkatuko dituzte antolatzaileek, hala nola, kirol-jertseak, elastikoak, gaztak, ardo botilak… Izen ematea Krosean parte hartu nahi dutenek aldez aurretik eman ahal izango dute izena www.kirolprobak.com-era idatzita. Ostirala [...]
Jesus Mari Deba ormaiztegiarrak joan den igandean Odolki Lehiaketetako Irabazleen Lehendabiziko Masterra irabazi zuen Bilbon. 1995 eta 2009 urteen bitartean egindako txapelketetako irabazleen artean aukeratu zuten irabazlea. Lau bizkaitarrek eta lau...
Duda-mudako eguraldia bazegoen ere, 576 lagunek parte hartu dute Idiazabalgo XXXI. Herri Krosean. David Martin lasartearra gizonezkoetan eta Nerea Etxeberria azpeitiarra emakumezkoetan, izan dira azkarrenak. Gizonezkoetan lehia estua izan da David Martin irabazlearen eta Joanjo Igartzabal zumarragarraren artean. Igartzabalek badaki zer den Idiazbalen irabaztea, eta aurten ere aurreneko postuaren bila atera da, baina Martinek lasterketa bikaina egin du eta 21 segundo atera dizkio bukaeran; 32:17ko denbora egin du Lasartekoak. Honenbestez, Igartzabalek eta hirugarren egin duen Patxi Urizarrek osatu dute podiuma. Emakumezkoetan ez da halako lehiarik ikusi. Nerea Etxeberria azpeitiarrak alde handiarekin irabazi baitu proba, 39:41eko denbora eginda. Bigarren sailkatua, Eneritz Sein pasaitarra, minutu eta hogei segundora sartu da. Estela Biain oñatiarrak osatu du podiuma. Idiazabalgo XXXI. Herri Krosaren sailkapena eta argazkiak ikusgai daude lasterketak.com webgunean. SAILKAPENA Gizonezkoak David Martin (Lasarte) 32:17 Joanjo Igartzabal (Zumarraga) 32:38 Patxi Urizar (Villabona) 34:02 Emakumezkoak Nerea Etxeberria (Azpeitia) 39:41 Eneritz Sein (Pasaia) 41:02 Estela Biain (Oñati) 41:15
Berritsu eta Txelotxe ludotekak kalera irtengo dira bihar arratsaldean. 16:30etik 19:30era Dolarea pareko plazatxoan txoko, joko eta ekintza ezberdinez antolatutako guneak antolatuko dituzte ludoteketako arduradunek: marrazketa gunea, eraikuntza, txil...
Butak 21 zine klubak antolatuta ziklo berri bati hasiera emango zaio gaur. Besteekin alderatuta azken honek film komertzialagoak biltzen ditu eta...
Urtarrilaren 22an hainbat segurarrek bat egin zuten Gernikako Akordioarekin. Txalaparta doinuekin hasi zuten ekitaldia. Herritar batzuk Gernikako Akordioaren testua irakurri zuten eta ondoren 80 lagun inguruk argazkia atera zuten. Azkenik mokadutxoa eg...
Ormaiztegiko Udalak, urtarrilaren 17ko udal osoko bilkuran, Nazioen Mundua ekimenekoek aurkeztutako mozioa onartu zuen, ezker abertzaleko eta OHTko hautetsien bozkekin eta beraz, Ormaiztegiko Udalak dio euskal herritarrek autodeterminatzeko eskubidea dutela. Ormaiztegiko Bizilagunak Elkarlanean-ekoak (Orbel) abstenitu egin ziren. “Demokrazian oinarritutako” printzipio baten aldeko jarrerak elkartu egiten dituela dio Ormaiztegiko Udalak, “giza eskubide zibil eta politiko guztiak errespetatuz, autodeterminazioaren edo erabakitzeko eskubidearen aldekoak, hain zuzen”. Mezu hori gizarteratzea joera eta ideologia desberdinekoek elkarrekin egin beharreko bidea dela uste du ” bide horrek erabakitzeko eskubidearen bidegurutzeraino eramaten gaituen arte, behintzat”. Guzti horregatik, Euskal Herria nazio naturala dela, Euskal Herriak bere etorkizuna erabakitzeko eskubidea duela eta beraz, euskal herritarrek autodeterminatzeko eskubidea dutela aldarrikatzen du Udalak. Azkenik, erabakitzeko eskubidea, “eskubide demokratiko unibertsala denez”, Euskal Herrian zein nazioartean eskubide horren eskaera egingo duela azpimarratzen du Udalak. Bozketa Jon Intsausti alkateak irakurri zuen mozioa eta Orbelen izenean hitza hartu zuen segidan. “Mozio honek izaera edo eduki politikoa du eta horrelako kasuetan egin ohi dugun bezala, udal eskumenetik eta udalerri mailatik haratago doan gai bat dela kontutan hartuta, abstenitu egingo gara”. Dena den, mozio horren edukia, Udaletik kanpoko foroetan zein beste hainbat gunetan defendatu egingo dutela azpimarratu zuen. Ezker abertzaleko hautetsiek mozioaren edukiekin bat egiten dutela esan zuten eta [...]
Zegamako Amezti mendi elkarteak irteera antolatu du otsailaren 12rako Kandantxura. 05:30ean irtengo dira autobusez Zegamako plazatik eta Kandantxura iritsitakoan bakoitzak nahi duen eski mota egin ahal izango du: alpinoa edo iraupenekoa. Erraketekin er...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
