Igande honetan izango da Bealak Beasaingo Lasterkariak taldeak antolatu duen lehen lasterketa herrikoia. Guztira hamalau kilomtroko ibilbidea antolatu dute, Loinazko San Martin plaza azpitik irtenda. Bealak elkartetik adierazi dutenez izen ematea poliki doa, baina aste honetan parte hartzaileen kopurua handitu egingo da: «Jendeak azkeneko unera arte itxaroten du, eguraldia, eguna… izaten baitituzte kontuan». Izena eman duten askok Azkoitia eta Azpeitia artean (Gipuzkoa) egingo den maratoi erdia prestatzeko erabiliko dute igandeko lasterketa, Bealakekoen arabera. Lasterketan izena eman nahi duenak www.kirolprobak.com helbidean egin behar du. Txiparekin korrika egin nahi duenak zortzi euro ordaindu beharko ditu eta gainerakoek hamar euro. Aurretik umeen proba Helduen proba hasi aurretik umeek izango dute korrika egiteko aukera. Haurren lasterketa 09:00etan hasiko da, Loinazko San Martin plaza azpian, parte hartzen duten guztiek domina eta kamiseta jasoko dituzte opari.Helduen artean ere hainbat opari zozkatuko dituzte, guztira 50 baino gehiago. Herri guztian trafikoa moztuta Lasterketak irauten duen bitartean Beasaingo trafikoan hainbat aldaketa egingo ditu Udaltzaingoak. Hala, lasterketak zeharkatuko dituen kaleak itxita egongo dira 09:00etatik 13:00etara bitartean. Gainerako kaleetatik herritik irtetzeko aukera egongo da ordutegi horretan, baina herrira ezingo da sartu. Autoak uzteko Bernedo Eneako aparkalekua erabiltzeko eskatu dute antolatzaileek. Bilbo-Donostia eta Iruña-Eibar autobus lineatako autobusak ere ezingo dira herri erdigunera [...]
zingizango.com • Eskura dago Udal Liburutegian, hainbat liburutegik ateratako liburu, filma eta disken gida gomendagarri bat. Gida hau, adineka sailkatuta dago. Bertan agertzen diren dokumentuak euskeraz eta gaztelaniaz daude gehienak. Lehen aipatu b...
Atzo Zuhaitzaren Eguna ospatu zuten Legazpin hamazazpigarren urtez segidan. Eguraldiak lagundu ez bazuen ere, 20-25 pertsona inguru bertaratu ziren Lakiolara eta atertu zuen une bat baliatu zuten landaketa burutzeko. Urak estalitako zulo gutxi batzueta...
Eraldatzen elkarteak, Ordiziako Kimetz eta Beasaingo Asmuberekin batera indarkeria sexista salatuko du hileko lehendabiziko ostegunetan.
Sahararen aldeko kros herrikoia euripean egin dute gaur goizean. Proba nagusian 286 lagunek parte hartu dute eta Juanjo Igartzabal zumarragarra izan da denetan azkarrena, 32 minutu eta 37 segundoko denbora eginda. Ion Arzubialdek eta Xabin Aranagak osatu dute gizonezkoen podiuma. Emakumezkoetan berriz, Isabel Dumall asteasuarrak egin du denborarik onena (39:09). Proba nagusiaz gain, testigantzako lasterketa ere egin dute, eta adin guztietako korrikalariek parte hartu dute. Lasterketak.com webguneak, probaren argazkiak eta sailkapena jarri ditu ikusgai. Gizonezkoak Juanjo Igartzabal 32:37 Ion Arzubialde 34:24 Xabin Aranaga 34:27 Emakumezkoak Isabel Dumall 39:09 Eneritz Sein 40:01 Elena Calvillo 42:05
Gaur ari dira jokatzen Euskal Herriko Mus Txapelketaren Gipuzkoako kanporaketa Seguran. Dagoeneko final erdietan ari dira, eta gauerako jakingo da Gipuzkoako bikote irabazlea zein izan den. Hala ere, dagoeneko jakinarazi dute zein bikote pasako diren Euskal Herriko Txapelketaren finalera. Gipuzkoatik 32 bikote izango dira; hauetako zazpi dira Goierrikoak: Joxe Mari Goikoetxea eta Inazio Dorronsoro (ATAUN) Iban Goikoetxea eta Unai Munduate (ATAUN) Haritz Segurola eta Luis Ibarguren (LEGAZPI) Jose Arotzena eta Bixente Apalategi (MUTILOA) Beñat Elortza eta Iñaki Andia (SEGURA) Jesus Mari Lasa eta Jokin Antoñana (URRETXU) Juan Jose Iturriotz eta Urtzi Garmendia (ZALDIBIA) Euskal Herriko Mus Txapelketaren finala martxoaen 12an jokatuko dute, Urruñako (Lapurdi) Sokoa auzoan dagoen pilotalekuan. Denera, Euskal Herri osoko 2.200 bikotek parte hartu dute txapelketa honetan, eta horietako 128k jokatuko dute finala.
Atzo egin zuten Zegama-Aizkorri mendi maratoian parte hartuko duten korrikalarientzako dortsalez zozketa. 225 korrikalarirentzako tokia egin dute honela. Zegama-Aizkorri proba maiatzaren 29an jokatuko da, eta Skyrunner World Race munduko koparako puntu...
Ordiziako ezker abertzaleak 2011ko udal hauteskundeetarako herri programa aurkeztu du gaur, Barrena jauregian.Batetik, herri programa osatzeko herritarrekin eta herriko taldeekin bilerak eta inkesta bat egingo dituztela jakinarazi dute. Bestetik, azken lau urteotako udalaren kudeaketaren inguruko “balorazio negatiboa” egin dute, euren ustez, “demokrazia eta parte hartze eza” izan baitira udal taldearen ezaugarri nagusiak. Datozen hauteskundeei begira ordea, udalean egoteko “ahalegin guztiak” egingo dituztela iragarri dute, “Ordiziak alkate ezkerreko eta abertzalea izan dezan”. Jone Etxeberriak azaldu duenez, “hemen bildu garen ordiziarrok ezkertiar eta abertzaletzat dugu geure burua. Sektore oso zabala eta nagusienetakoa osatzen dugu Ordizian”. Euskal Herrian bezala, Ordizian ere “aro politiko berriari bultzada” eman nahi diote eta horretarako, “gure helburuen artean dugu maiatzeko Hauteskundeetan eta hurrengo lau urteetan udalean izatea”. Izan ere, Ordizian “herritar eta talde askok eta askok pentsatzen dute beharrezkoa dela Udalean ere aldaketa sakonak” ematea. Segidan, Julen Agirrek hartu zuen hitza, udalaren azken lau urteotako kudeaketaren balantzea egiteko. Zentzu horretan, “oso kritiko” agertu dira eta legegintzaldiaren gaineko “balorazio negatiboa” egin dute. Hiru arrazoi nagusi azaldu ditu Agirrek horretarako. Batetik, “bestelako itxura ematen saiatu diren arren, demokrazia eta parte hartze eza izan da Udal kudeaketaren bereizgarri nagusienetakoa”. Hala, azken udal hauteskundeetan boto gehien jaso zuen alderdia (EAE-ANV, 1.100 botorekin), [...]
Binakako Eusko Label Aizkora Txapelketa irabazi du Iñaki Azurmendi beasaindarrak, Aitzol Atutxa bizkaitarra lagun duela. Herenegun jokatu zen finala, Azpeitiako (Gipuzkoa) Izarraitz pilotalekuan. Anjel Arrospide eta Egoitz Mugertza izan zituzten aurkari irabazleek. Azurmendi gustura aritu zen igandean Azpeitian, «saio konpletoa» eginda: «Hasieran estu ibili ginen, bi bikoteak ere nahiko parean. Guk ordea, erritmoa mantendu egin genuen eta Arrospidek eta Mugertzak behera egin zuten». Bosgerren enborrean 45 segundoko aldea zuten irabazleek eta azken seigarren enborrean lasai aritu ziren. Ordu erdi inguru aritu ziren bi bikoteak lanean, eta saioaren amaieran bi minutu eta hamar segundoko aldea atera zieten Azurmendik eta Atutxak (29:19), Arrospeide eta Mugerzari (31:29). «Egindakoarekin gustura» Aurreko astean Azurmendik esandakoaren arabera, behin finalerako sailkatuta «dena emateko asmoz» joan zen beasaindarra Azpeitiara. «Egindako lanarekin oso gustura geratu naiz eta Atutxatarrei eskerrak ere eman beharrean nago, Aitzolen aitak animatu ez banindu ez nukeelako txapelik lortuko». Finalean ikusleen artean sortu zen giroa ere azpimarratu du arriarandarrak, pilotalekua bete egin baitzen. «Gustoa ematen du lana egitera irten eta pilotaleku guztia beteta dagoela ikusteak. Halakoetan gustorago aritzen gara gu ere, gainontzean tristea izaten baita». Orain banakako txapela Datorren astean hasiko da Zegaman Urrezko Aizkolarien Banakako Txapelketa, eta han jarrita du burua orain Azurmendik. Txapelketan apirilaren [...]
Cesare Fumarola italiarrak eta Camile Heitz frantziarrak irabazi dute Ordiziako Nazioarteko Hegats Igeriketa Opena. Antolatzaileek, parte-hartzaileen «kirol maila bikaina» eta Majori kiroldegian sortu zen «giro polita» azpimarratu nahi izan dituzte. Denera, nazioarteko hamabi talde ezberdinetako 160 igerilarik parte hartu zuten larunbatean, proba eta maila ezberdinetan. Zaleen babesa ere izan zuten partehartzaileek, igerilekuko harmailak «jendez gainezka» egon baitziren egun osoan zehar. Lehiaketari dagokionean, Euro Team Torino taldeko Cesare Fumarolak irabazi zuen gizonezkoetan; 100 metroko urazaleko proban 34:28ko denbora egin zuen, denera 1104 puntu batuz. Bigarren gelditu zen Estefano Figini, 1039 punturekin. Hirugarren, Andrea Navak egin zuen, 1019 puntu lortuta. Emakumezkoetan berriz, Paris Palme Olympique taldeko Camile Heitzek lortu zuen aurreneko saria; honek ere, 100 metroko proban egin zuen denborarik onena (41:09) eta 1163 puntu batu zituen. Atzetik gelditu ziren Lea Pasqualotti (1069 puntu) eta Giorgia Viero, iazko irabazlea (1048). Varela, euskaldunik onena Nazioarteko opena izanda, mundu mailan puntan dabiltzan nazioarteko igerilariak etortzen dira Ordiziara. Baina kirolari euskaldunen lana eta ahalegina ere saritu nahi izaten dute urtero. Aurten, Maria Varelak eta Aitor Insaustik jaso dute Euskal Herriko Urpeko Ihardueren Fundazioak eta Openeko antolakuntzak ematen duten saria. Varelak, 901 puntu lortu zituen, 50 metroko apnea proban 19:01eko denbora eginda. Aitor Insaustik berriz, 815 [...]
zingizango.com • Iban Lizarralderen film laburrak sari ugari lortu ditu. Eneko Aseginolaza legazpiarra izan da zuzendari laguntzailea, muntatzailea eta aktore zuzendaria. Martxoaren 25ean Legazpin ikusi ahal izango dugu. Arratsaldeko 20:00etan botako...
Ordiziako Biok Zerbitzuak taldea igoera fasea jokatzetik gertuago dago, larunbatean Deusto-Loiolari irabazi eta gero. Lehen hiru laurdenetan ondo aritu ziren ordiziarrak eta 16 puntuko tartea atera zuten. Azken laurdenean ordea, gehiegi lasaitu eta biz...
Aurten egiten ari diren denboraldi onari beste garaipen bat gehitu diote Estandako neskek. Cantera talde nafarrari 2-5 irabazi diote asteburuan. Ordiziarrek aurrea hartu zuten markagailuan, eta nafarrek berehala berdindu bazuten ere, atsedenaldira joan...
Ordiziako Urdaneta-Oianguren ikastetxeak kultur astea ospatuko du, astelehenetik ostiralera bitartean. Hori dela eta, ekitaldi sorta antolatu dute adin eta talde ezberdinetako ikasleentzat. Besteak beste, planetariumera bisitak, bertso saioak, herri ki...
Berria.info · Haserre mintzatu dira gaur Usurbilgo udaletxean egin duten agerraldian Usurbilgo alkate Xabier Mikel Errekondo, Hernaniko alkate Marian Beitialarrangoitia eta Oiartzungo alkate Aitor Etxeberria. “Gipuzkoako Diputazioa iruzurra eg...
Ordiziako Jakintza Ikastolak ihauteri festa ospatuko du gaur zortzi, martxoaren 4ean. 15:00etan hasita, herriko kaleetan barrena desfilea egingo dute, aurten, euskal ihauteriak gaitzak hartuta. Ekitaldiari 16:30ean emango diote bukaera, Barandiaran pla...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
