Elkarrekin Eguna ospatuko dute larunbatean Legazpin
Zapatuan Elkarrekin Eguna ospatuko dute Legazpin. Legazpi bai elkarte publikoak sustatuta, egun osoan zehar luzatuko dira ekintzak eta Legazpiko 34 elkartek hartuko dute hauetan parte. 11:00etatik 13:45ak arte eta 17:30etik 20:00ak arte ekintza desberd...
Zapatuan Elkarrekin Eguna ospatuko dute Legazpin. Legazpi bai elkarte publikoak sustatuta, egun osoan zehar luzatuko dira ekintzak eta Legazpiko 34 elkartek hartuko dute hauetan parte. 11:00etatik 13:45ak arte eta 17:30etik 20:00ak arte ekintza desberdinak ospatuko dituzte han eta hemen, Euskal Herria plaza erdigune gisa harturik.
Eguna 11:30ean hasiko dute. batetik, herriko puntu desberdinetan musika eta dantza kalejirak egingo dituzte; bestetik, Euskal herria plazan elkarteen erakusketa jarriko dute 13:45ak arte. Erakusketan musikaz, dantzaz, gastronomiaz, txapelketez, motoez, euskal jokoez, kantuez, argazki estudioaz edota mendiaz gozatzeko aukera eskainiko dute.
14:00etan bazkaltzera joango dira, eta 16:30ean, berriz, Legazpi eraldatzen hasteko World Kafe dinamika bat egingo dute. 70 pertsonek hartuko dute bertan parte. 17:30ean Altxorraren Bila jolasa hasiko dute eta berriz ere dantza eta musika emanaldekin girotuko dute eguna, 20:00ak arte.
