Areto futboleko Gipuzkoako txapelketa irabazi dute Murumendiko ikasleek
Murumendi ikastetxeko seigarren mailako mutil kimuek, areto futboleko Gipuzkoako txapelketa irabazi dute. Anoetako ikasleen aurka jokatu zuten finala Murumendi ikastetxean, eta beasaindarrak sei eta bost nagusitu ziren. Lehen zatia huts eta bi emaitza...
Murumendi ikastetxeko seigarren mailako mutil kimuek, areto futboleko Gipuzkoako txapelketa irabazi dute. Anoetako ikasleen aurka jokatu zuten finala Murumendi ikastetxean, eta beasaindarrak sei eta bost nagusitu ziren.
Lehen zatia huts eta bi emaitzarekin amaitu zen, baina bigarren zatitik aurrera Murumendikoak nagusitzen joan ziren. Hirugarren zatia bost eta hiruko emaitzarekin amaitu zen, eta laugarren zatian anoetarrak beasaindarrengana gerturatu baziren ere, ezin izan zuten irabazi.
Finala aurreko ostiralean jokatu zen, eta giro bikainean aritu ziren futbolean mutil gazteak. Anoetatik autobus bete jarraitzaile etorri zen, eta Beasaingo hainbat ikastetxetako ikasleak ere joan ziren Murumendikoei animatzera, Loinazpe, Lizeo eta La Salle ikastetxekoak, adibidez.
