Aizkoate elkartearen urteko festan, lagun artean
San Pedro inguruko ospakizun «benetan ederra» izan zuten larunbatean Ataungo Aizkoate elkartean. Mende erdia gaindituta, elkartekideek fin segitzen dute soziedadearen urtemuga ospatzen. Toka txapelketa —25 partaide— Joakin Aldabek irabazi zuen, 6...
San Pedro inguruko ospakizun «benetan ederra» izan zuten larunbatean Ataungo Aizkoate elkartean. Mende erdia gaindituta, elkartekideek fin segitzen dute soziedadearen urtemuga ospatzen. Toka txapelketa —25 partaide— Joakin Aldabek irabazi zuen, 6 jorekin. Bazkideen arteko kirol jardunaldian koadrila berekoak nahastutako taldearen aurka aritu ziren, herri kiroletan —argazkian—. Azken horiek izan ziren irabazle. Aizkoate mendiari buruzko argazki lehiaketa egin dute aurten, eta sariak afal aurretik banatu zituzten. Zazpi argazkilarik hartu dute parte. Lehen saria Jexux Etxeberriak, 2.a Santi Etxeberriak eta 3.a Andoni Aizpuruak jaso dituzte. Argazkiak ikusgai egongo dira aste osoan, elkartean. Aizkoate Kultur Elkartearen webgunea (aizkoate.org) ere aurkeztu zuten. Afaria egin, eta Munduate eta Urdangarin bertsolariekin ondoren alaia egin zuten
