Bear elkarteko kideek egindako pintura lanak Usurben daude igandera arte
Bear Pintura Zaletuen elkarteak antolatutako ikastaroetan parte hartu duten ikasle helduen lanak, Usurbe antzokiko erakusketa aretoan daude igandera arte. Urtean zehar ikasleek egindako lanekin osatu dute erakusketa, eta guztira, 42 koadro zintzilikatu...
Bear Pintura Zaletuen elkarteak antolatutako ikastaroetan parte hartu duten ikasle helduen lanak, Usurbe antzokiko erakusketa aretoan daude igandera arte. Urtean zehar ikasleek egindako lanekin osatu dute erakusketa, eta guztira, 42 koadro zintzilikatu dituzte aretoko hormetan.
Jokin Telleria irakasleak azaldu duenez, mota guztietako lanak ikusi daitezke erakusketan: «Pintura mota eta teknika ezberdinak nola erabili ikasi dute ikasleek, eta deneratiko lanak egin dituzte: paisaiak batzuk, lan abstraktuak beste batzuk…». Erakusketa aretoa ohiko ordutegian egongo da irekita, eta igandea izango da lanak ikusteko azken eguna.
ORDUTEGIA:
Ostiralera arte: 19:00etatik 21:00etara
Asteburuan: 12:00etatik 14:00etara eta 19:00etatik 21:00etara
