Gazte Festak egingo dituzte bihartik Zaldibian, sagardoa eta pilota tarteko
Aimar Maiz — ‘Antolatu, borrokatu, herria xirikatu’ goiburuarekin, 14. aldiz Gazte Festak izango dira bihartik larunbatera bitarte Zaldibian. Gazte asanbladak ondu du egitaraua, eta denetariko ekitaldiak ipini dituzte. Bi gautan kontzertuak, irteera, otorduak, eta herrian horrenbesteko sona hartu duten pilota txapelketako finala eta sagardo dastaketa daude tartean. “Zaldibiarrak arkakusoak gara tradizioak dioenez, eta beraz xirikatzaile iaioak. Herritik eta herriarentzat antolatu ditugu aurten ere Gazte Festak, jaia eta borroka uztartuz eta egitarau anitza osatuz”, azaldu du Gazte Asanbladak. Gazte Festak izanagatik, patxadatik ekingo diote, bihar arratsaldean. Jubilatuekin tertulian aritzeko asmoa dute, txokolatea hartuz, garai bateko eta oraingo kontuak elkarrekin banatzeko: garai bateko bizimodua nolakoa zen, herria nola aldatu den… jakin nahi dute gazteek, adinekoen esperientziatik. Bihar gauean afari mokadua plazan egiteko gaia bertan sukaldatuko dute: entsalada eta patata tortilla daude menuan, eta lehiaketatxoa jarri dute, prestatzeko. Jai herrikoia ostiralean Zaldibiarren artean sustraitu den arrata etzi izango da. Sasipilotari finala jokatuko dute Adur Mendizabalek eta Eneko Aristi Bixi-k, buruz buru, Resti pilotalekuan. Lehen aldiz fronteniseko lehiaketa ere egin dute, neska-mutilak bikotean. Odei Irastortza-Nahikari Lopez eta Xabier Irastortza-Estitxu Mujika bikoak ariko dira azken partidan. Ondoren, V. Sagardo dastaketan elkartuko dira herritarrak. Hamahiru sagardotegitatik ekarri dituzte botilak. Urterik urte eskaintza handitzen ari dira. Zapatuan [...]
Aimar Maiz — ‘Antolatu, borrokatu, herria xirikatu’ goiburuarekin, 14. aldiz Gazte Festak izango dira bihartik larunbatera bitarte Zaldibian. Gazte asanbladak ondu du egitaraua, eta denetariko ekitaldiak ipini dituzte. Bi gautan kontzertuak, irteera, otorduak, eta herrian horrenbesteko sona hartu duten pilota txapelketako finala eta sagardo dastaketa daude tartean.
“Zaldibiarrak arkakusoak gara tradizioak dioenez, eta beraz xirikatzaile iaioak. Herritik eta herriarentzat antolatu ditugu aurten ere Gazte Festak, jaia eta borroka uztartuz eta egitarau anitza osatuz”, azaldu du Gazte Asanbladak.
Gazte Festak izanagatik, patxadatik ekingo diote, bihar arratsaldean. Jubilatuekin tertulian aritzeko asmoa dute, txokolatea hartuz, garai bateko eta oraingo kontuak elkarrekin banatzeko: garai bateko bizimodua nolakoa zen, herria nola aldatu den… jakin nahi dute gazteek, adinekoen esperientziatik.
Bihar gauean afari mokadua plazan egiteko gaia bertan sukaldatuko dute: entsalada eta patata tortilla daude menuan, eta lehiaketatxoa jarri dute, prestatzeko.
Jai herrikoia ostiralean
Zaldibiarren artean sustraitu den arrata etzi izango da. Sasipilotari finala jokatuko dute Adur Mendizabalek eta Eneko Aristi Bixi-k, buruz buru, Resti pilotalekuan. Lehen aldiz fronteniseko lehiaketa ere egin dute, neska-mutilak bikotean. Odei Irastortza-Nahikari Lopez eta Xabier Irastortza-Estitxu Mujika bikoak ariko dira azken partidan.
Ondoren, V. Sagardo dastaketan elkartuko dira herritarrak. Hamahiru sagardotegitatik ekarri dituzte botilak. Urterik urte eskaintza handitzen ari dira.
Zapatuan segiko du egitarauak. Nazioen Munduak Larraitzen antolatu duen mosaikora joango dira goizean; 14:30ean bazkaria plazan, eta ondoren jolasak dituzte, mozorrotuta. 18:30ean kale animazioa, aldarrikapen kalejira eta presoen argazkia. Plazan afaldu, eta Kituka Burundi eta Itzel taldeek joko dute gero.
EGITARAUA
Osteguna, ekainak 30
- 16:30. Jubilatuekin tertulia, txokolatea hartuz.
- 19:00. Txupinazoa eta arkakuso jaitsiera.
- 20:00. Patata tortila eta entsalada lehiaketak.
- Ondoren. Ibonen ikuskizuna.
BIHAR
- 10:30. Arkakara ibilaldia.
- 16:30. AHTri buruzko hitzaldia.
- 18:30. Fronteniseko eta Sasipelotariko finalak.
- 20:00. V. Sagardo dastaketa.
- 23:00. Harrika eta Ingo al deu? musika taldeak.
ETZI
- 10:30. Mosaiko erraldoia Larraitzen (Nazion Mundua).
- 14:30. Bazkaria, plazan.
- Ondoren. ‘Desapiyua’, herriko gazteen artean. Mozorro festa.
- 18:30. Kale animazioa, aldarrikapen kalejira eta presoen aldeko argazkia.
- 21:00. Afaria, plazan.
